VOV4.M’nông: Lơ 5/4, Sở Khoa học ndrel Công nghệ Kon Tum ntơm geh nau mbơh mpeh nau pă săm ƀŭt kơp diưn nau dŏng ndrel ntĭm mbơh ntŭk “Ngọc Linh’ ndrel dŏng Tem ntĭm mbơh ntŭk “Ngọc Linh” ân ntil bum. Tĭng ăp ntŭk kan, êng nŭih ê nka, tăch rgâl bum Sâm Ngọc Linh tâm ntŭk ntĭm mbơh bah nkuăl neh Ngọc Linh, geh ăp xã: Đăk Na, măng Ri, Ngọc Lây, Ngọc Yêu, Văn Xuôi, Tê Xăng bah nkuăl Tu Mơ Rông ndrel Mường Hoong, Ngọc Linh, Xốp bah nkuăl Đăk Glei.

Geh nau ŭch dŏng ntŭk ntĭm mbơh Ngọc Linh ndal ndŏ săm ƀŭt tât Sở khoa học ndrel Công nghệ n’gor Kon Tum bah năp lơ 17/4/2021 gay uănh săm ƀŭt kơp dơn nau dŏng ntŭk ntĭm mbơh bah Ngọc Linh ân bum sâm. Kan pă săm ƀŭt kơp dơn ntĭm mbơh Ngọc Linh ndrel Tem ntĭm ntŭk Ngọc Linh Kon Tum ƀư jêh nkre tâm khay 4 aơ./.

Nŭih rblang: H’Thi