VOV4.M’nông – Ôi 26/3, Ta nkual ƀon têh Kon Tum, Đoàn TNCS HCM n’gor Kon Tum ƀư nkah gĭt 90 năm nar ndâk njêng Đoàn TNCS HCM hăn ndrel đah nkah gĭt 70 năm nar Wa Hồ an thơ druh ndăm xung phong n’hanh rnê rhơn nsum mpôl, êng nuĭh ntoh lư năm 2021.

Ntŭk ƀư nkah gĭt

Ta nar ƀư nkah gĭt ăp đại biểu ndrel rlău 400 đoàn viên, druh ndăm n’gor Kon Tum lĕ nkah gĭt tay nău way ơm uĕh ang 90 năm ndâk njêng n’hanh têh jêng bah Đoàn TNCS HCM; rnê rhơn 14 nuĭh mom ntoh lư; 90 Chi đoàn, Chi đoàn bah dâng nâp dăng.

Ăp nsum mpôl, êng nuĭh ntoh lư dơi rnê nkhôm

Di rơh aơ geh 11 nsum mpôl blău tâm trong kan đoàn n’hanh ntrong leo druh ndăm rchong bah n’gor Kon Tum lvang 2016-2020 lap wơt dơn Bằng khen bah Trung ương Đoàn; 10 nuĭh sŏk Kỷ niệm chương Yor rơh druh ndăm; 2 hê sŏk Kỷ niệm chương Nuĭh druh ndăm xung phong ơm.

Nŭih rblang: Y Sưng Phê Ja