VOV4.Mnông – Di nkah gĭt 41 năm Nar nuĭh koet nte Việt Nam (18/4), ôi 15/4, ta nkual ƀon têh Kon Tum, Rmôt kan mât njrăng nău dơi kon se n’hanh ntop kơl nuĭh koet nte n’gor Kon Tum ƀư rƀŭn nchră rnê rhơn nuĭh koet nte hao tâm rnglăp nsum mpôl n’hanh nuĭh ntop kơl ntoh lư rơh tal 6 năm 2021. Ta rƀŭn nchră 100 nuĭh koet nte ntoh lư geh âk nău uĕh nti nsơm, nkra njêng, tăch rgâl, kơl nuĭh ndrel nău rêh lĕ dơi rnê nkhôm n’hanh an ndơ.

Kon Tum: Rnê rhơn nuĭh koet nte rlău rlău tâm rnglăp nsum mpôl

Aơ lah ăp nuĭh ntoh lư tâm dĭng lĕ 6.200 nuĭh koet nte bah n’gor Kon Tum lĕ geh âk nău mkra jêr jŏt, jut jăng nău đit prêng nsrôih hao tâm nău rêh. Di rơh aơ UBND n’gor Kon Tum an Bằng Khen an du rmôt n’hanh du hê geh uĕh nău kan tâm trong kan đăp mpăn nău rêh jêng; Rmôt kan mât njrăng kon se n’hanh ntop kơl nuĭh koet nte n’gor Kon Tum an sam ƀŭt rnê rhơn 18 nuĭh geh uĕh nău kan hao tâm rnglăp ndrel nsum mpôl.

Nuĭh rblang: Y Sưng Phê Ja