VOV4. M’nông: Tĭng nău mbơh bah Bộ Ngoại giao, nar 19/4 ta Hà Nội, kalơ nău kan ƀư Kruanh Hội đồng Bảo an Liên Hợp Quốc khay 4/2021, Kruanh dak Nguyễn Xuân Phúc ƀư tơm rơh hop tâm nchră pơk hvi gưl têh mpeh nkô̆ "N'hao dăng tâm boh đah Liên Hợp Quốc n'hanh ăp mpôl kan tâm nkual tâm ntrŭt ntrôl rdâk njêng nuĭh n'hâm nsing nơm n'hanh tâm nchră mpeh trong nking nchăng, nkra bah tâm lơh tâm su "Tĭng trong ƀư nkre đah pơk sŏng dăng n'hanh mâp na nê̆.

  Aơ lah nar kan rgum khlay mha êng ma Việt Nam ƀư tơm ƀư kalơ nău kan Kruanh Hội đồng Bảo an, nhih pah kan khlay dâk bôk năp bah Liên Hợp quốc geh nău dơn kan nking nchăng bah tâm lơh tâm su, mât đăp mpăn, rnă njrăng dak bah dih. Thứ trưởng Bộ Ngoại giao Đặng Hoàng Giang an gĭt, Việt Nam ƀư tơm rdâk njêng n'hanh nsrôih nsŏng kơl gay uănh an dŏng nău mbơh Kruanh Hội đồng Bảo an. Nău mbơh mbra geh ăp nkô̆ khlay, lah rjăp nău khlay bah tâm boh đah Liên Hợp Quốc n'hanh ăp mpôl kan tâm nkual tâm nking nchăng, nkra bah tâm lơh tâm su ma ăp trong nkra đăp mpăn, nsing kalơ uănh khlay ăp nău way tơm bah luật pháp dak bah dih n'hanh Hiến chương Liên Hợp Quốc.

Nuĭh rblang: Điểu Thân