VOV4. M’nông: Kruanh dak Nguyễn Xuân Phúc mhe tât khâl xã ƀon lan mhe Tứ Xã, nkuâl Lâm Thao, n'gor Phú Thọ. Rnê âk tâm bah ri aơ nơh, Đảng bộ, n'gâng kan n'hanh ƀon lan xã hŏ tâm rnglăp, blău ƀư mhe, rgum ăp tơm ndơ rdâk njêng ƀon lan mhe n'hanh ƀư tât rnoh kan tâm 4 năm, Kruanh dak đă xã Tứ Xã, nkuâl Lâm Thao n'hanh n'gor Phú Thọ gŭ mĭn nău hun hao xã ƀon lan mhe ntĭt lor jêng nkual ƀon lan gŭ nsing kalơ khoa học n'hanh tâm di đah dăp rgum hun hao wăng sa rêh jêng kon nuĭh.

Lor rnôk mâp nuĭh ƀon lan ta xã Tứ Xã ta Rmôt ƀon lan gŭ mbrô 7, Kruanh dak Nguyễn Xuân Phúc hŏ hăn uănh du đêt ntŭk geh ƀư kơt ntŭk tăch ndơ, tach tâm rlong, ntung trong hăn bah xã. Ntơh măt kruanh rđău kan Đảng, Ngih dak Kruanh dak Nguyễn Xuân Phúc mbah rhơn Đảng bộ, n'gâng kan n'hanh ƀon lan xã Tứ Xã, nkuâl Lâm Thao mpeh ăp nău dơi tâm rdâk njêng ƀon lan mhe tâm bah ri aơ nơh. Kruanh dak rnê âk đŏng n'gor Phú Thọ tâm trong hun hao lam lĕ rngôch wăng sa rêh jêng kon nuĭh, uănh khlay rdâk njêng ƀon lan mhe./.

Nuĭh rblang: Điểu Thân