VOV4. M’nông: Nar 16/4, ta nhih pah kan Kruanh dak, Kruanh dak Nguyễn Xuân Phúc hŏ wơt Đại sứ Hoa Kỳ ta Việt Nam Daniel Kritenbrink tât gay njuăl si ƀŭt mbah rhơn bah Tổng thống Joe Biden tât Kruanh dak Nguyễn Xuân Phúc nkhêp geh Kruanh dak dơi Quốc hội nsing nơm sơch ƀư Kruanh dak Việt Nam n'hanh ntĭnh sĭt lĕ năm pah kan.

Ta rơh wơt, Kruanh dak Nguyễn Xuân Phúc rnê âk ăp nău rgop uĕh bah Đại sứ rgop kơl n'hao tâm boh bar dak hun hao geh nău dơi, jŏ jong, lăp jru nsing kalơ uănh khlay đăp mpăn ƀư tơm, lam lĕ rngôch neh dak, nău way chính trị n'hanh ndrel geh nsum. Kruanh dak mbah rhơn Đại sứ Daniel Kritenbrink dơi Tổng thống Joe Biden nsing nơm, n'hao an ƀư nuĭh nsŏng kơl Ngoại trưởng mât uănh nkual Đông Á- Thái Bình Dương, nkre nsing nơm kalơ nău kan mhe, Đại sứ mbra ŭch tĭng tâm boh Việt Nam- Hoa Kỳ.

Nuĭh rblang: Điểu Thân