VOV4.M’nông - Kruanh dak Trung Quốc Tập Cận Bình râng n’hanh ƀư tơm Rƀŭn nchră trực tuyến gưl prêh nkah gĭt 30 năm ndâk njêng tâm boh tâm nchră Trung Quốc-ASEAN ta Bắc Kinh, Trung Quốc. Ntoh ngơi ta rƀŭn nchră, Kruanh dak Trung Quốc Tập Cận Bình lah rjăp, nău n’hao tâm boh Trung Quốc-ASEAN hao jêng tâm boh kan ndrel têh hvi lĕ rngôch an saơ aơ lah du nău mhe tâm bah ri a tâm boh đah 2 ding, mbra geh n’hâm soan mhe an tâm rnglăp, đăp mpăn, uĕh lăng, hun hao bah nkual n’hanh lam ntŭr neh. Kruanh ăp dak ASEAN uănh lah prêh nău Trung Quốc ƀư rƀŭn nchră gưl prêh nkah gĭt 30 năm ndâk njêng tâm boh tâm nchră ASEAN-Trung Quốc, rnê nău mĭn ƀư mhe hun hao lam ntŭr neh bah Trung Quốc nchrăp kan ndrel đah Trung Quốc ntrôl ngăch ăp nău ƀư mhe, trong nchrăp. Rƀŭn nchră lĕ mbơh an “Nău mbơh nsum Rƀŭn nchră gưl prêh nkah gĭt 30 năm ndâk ndâk njêng tâm boh tâm nchră Trung Quốc-ASEAN”.

Nuĭh rblang: Y Sưng Phê Ja