VOV4.Mnông – Ôi 23/3, ta Ntŭk Rƀŭn nchră Ngih dak Mỹ Đình Hà Nội, Ban chấp hành Trung ương Đoàn lĕ ƀư nkah gĭt 90 năm Nar ndâk njêng Đoàn Thanh niên Cộng sản Hồ Chí Minh (26/3/1931-26/3-2021) n’hanh wơt Huân chương Hồ chí Minh. Tổng Bí thư, Kruanh dak Nguyễn Phú Trọng râng n’hanh ntoh ngơi ta nar ƀư. Uănh tay trong hăn 90 năm ndâk njêng n’hanh têh dăng tâm nău kan cách mạng bah Đảng, bah rnoi mpôl, Đoàn thanh niên Cộng sản HCM n’hanh Druh ndăm Việt Nam lĕ saơ rŏng dak dŭt têh, du nuih n’hâm n’hanh nsing nơm tâm nău rđau bah Đảng, ăp nău mĭn đăp mpăn rnoi mpôl n’hanh chủ nghĩa xã hội.

Tổng Bí thư, Kruanh dak Nguyễn Phú Trọng; Thủ tướng Nguyễn Xuân Phúc n’hanh ăp đồng chí tă ƀư kruanh Đảng, Ngih dak tât râng ƀư nkah gĭt

Đoàn thanh niên Cộng sản HCM tâm di rmôt nsing nơm bah Đảng, ngih sam ƀŭt xã hội chủ nghĩa, ƀư hạt nhân chính trị bah druh ndăm Việt Nam. Ntoh ngơi ta nar ƀư, Tổng Bí thư, Kruanh dak Nguyễn Phú Trọng lah rjăp, ndăn ƀư nău nti nsơm, nkoch trêng n’hanh na nê̆ rgâl tĭng nghị quyết Đại hội 13 bah Đảng jêng ăp nău ntrŭnh trong kan têh bah Đoàn, uănh aơ lah kim chỉ nam gay ƀư pah kan Đoàn n’hanh ntrong leo druh ndăm rchong.

Nuĭh rblang: Y Sưng Phê Ja