VOV4.M'nông: Tâm rnôk hăn khâl pah kan ta Indonesia, Nuĭh ntơh măt gưl têh mât uănh trong kơl rnă njrăng n'hanh tâm boh dak bah dih bah Liên minh châu Âu (EU), wa Josep Borrell geh rơh tâm nchră đah Tổng Thư ký Hiệp hội ăp dak Đông Nam Á (ASEAN) Dato Lim Jock Hoi mpeh nău đăp mpăn ta nkual. Ta rơh tâm nchră mpeh bôk nău kan nchrăp lor nsum EU-ASEAN đah Tổng Thư ký Dato Lim Jock Hoi, bar ding lah rjăp an lah ân nkra tay ăp nkô̆ nău lam ntŭr neh n'hanh nkual nsing kalơ tâm boh têh dơi jŏ jong. Bar kruanh tâm nchră mpeh nău đăp mpăn ta nkual, nô nău ta Myanmar, rêng rdâk jêng tay, buăt nthoi tâm ban kơt ăp nkô̆ nău dak si n'hanh rnă njrăng n'hanh tahen mât njrăng neh dak. Wa Borrell an gĭt đŏng hŏ tâm ôp đah kruanh Indonesia mpeh nô nău nuh srê têh COVID-19 tâm ban kơt tâm boh đah EU n'hanh Indonesia.

Nuĭh rblang: Điểu Thân