VOV4.M’nông: Tâm rơh hăn kan tâm nkuăl ƀon têh Hồ Chí Minh, lơ 9/5, Kruanh dak Nguyễn Xuân Phúc hŏ khâl, pă nklâm ndơ ân du đê̆ rnăk vâl geh dơi kơl tâm nkuăl Củ Chi, Nkuăl ƀon têh Hồ Chí Minh. Kruanh dak Nguyễn Xuân Phúc hŏ khâl, pă nklâm ndơ ân Anh hùng rmôt tahen ƀon lan Tô Văn Đực (moh săk ngăn lah Tô Hoài Đức, deh năm 1942) tâm xã Nhuận Đức, nkuăl Củ Chi. Jêh nê, tâm xã Hoà Phú, Kruanh dak hŏ khâl, pă nklâm ndơ ân rnăk vâl geh nau dơi kơl lah rnăk wa Bùi Văn Hiệp, deh năm 1948, tahen sôt rmanh kăl e ¼, rnăk wa Trần Hoàng Minh, deh năm 1950, tahen sôt rmanh ¼. Kruanh dak lah rjăp, Đảng, Ngih dak mro nkah ăp nau kơl an bah tahen ơm, tahen khĭt, rnăk vâl geh n’hâm ma cách mạng hŏ rgop nting mham ân nau lơh rdâng đăp mpăn neh dak./.

Nŭih rblang: H’Thi