VOV4.Mnông- Nar 30/9, Kruanh mhe Đảng Tự do LDP Fumio Kishida mhe geh săch nău kan ntơm ƀư nău kan rgâl mhe nuĭh kan tâm đảng n’hanh pă dăp nuĭh kan tâm chính phủ. Wa Kishida an lah đah báo chí đah nău kan lah kruanh Đảng, ăp nău an geh ƀư, an geh pah kan dŭt âk tâm nĕ geh nău nuĭh kan tâm Đảng. Wa tâm nchră đah ăp nuĭh kan tâm đảng n’hanh mbra ơm geh mbơh. Kruanh mhe đảng lĕ geh mbơh ntrŭnh săch tay wa Amari Akira 72 năm deh tă kan kruanh n’gâng kan wăng sa n’hanh mât rnoh ndơ geh, aƀaơ lah kruanh Ủy ban mât uănh nău sŏk soăy ƀư Tổng thư ký Đảng. N’hanh nchrăp mbra geh săch wa Hagiuda Koichi kruanh n’gâng kan văn hóa, ntĭm nti n’hanh khoa học Nhật Bản n’hanh du đê̆ đảng viên êng ƀư leo kan gâl têh tâm chính phủ. Rlău ma nĕ, wa Kishida lĕ nchrăp mbra săch pă tay wa Taro Kono, nuĭh dâk tal 2 tâm rơh tâm rlong kan mhe nơh n’hanh âk cán bộ mom êng an ăp nău kan mhe.

Nuĭh rblang: Thị Đoắt