VOV4.M’nông: Kruanh n’gâng kan Mỹ Antony Blinken lơ 25/5 hŏ tât Israel, ntŭk njưh jâng bôk năp tâm rơh hăn khâl jong nar tâm nkuăl Trung Đông. Rơh khâl bah Kruanh n’gâng kan Mỹ geh đê̆ nar jêh rnôk Israel ndrel rmôt kan Hamas bah Palestin geh dơi nau nchrăp rlu pănh, nsrŭng 11 nar tâm rkeh hŭk mham. Đah nkô̆ nau leo tât du jâng văng sa jŏ jong ân Israel ndrel Palestin, n’gâng kan Mỹ bah Tổng thống Joe Biden mra kơl an ntrŭt dăng ăp nau kan 2 ngih dak. Tĭng nau nchrăp, tâm rơh khâl Trung Đông rơh aơ, Kruanh n’gâng kan Mỹ mra tât Jerusalem, nkuăl ƀon têh Ramalah gay ma mâp Thủ tướng Israel Benjamin Netanyahu ndrel Tổng thống Palestin Mahmud Abbas. Êng nau hăn khâl bah Israel ndrel Palestin, wa Blinken kŏ mra tât Ai Cập ndrel Jordan gay joi nau kơl an bah ăp dak aơ tâm nau nchrăp tay nau kan bah Trung Đông bah Mỹ./.

Nŭih rblang: H’Thi