VOV4.M’nông: Tâm rơh rƀŭn trực tuyến đah ăp nŭih ndrel gưl kan Israel ndrel du đê̆ dak Arập, Kruanh N’gâng kan nchră nău đah dak bah dih Mỹ Antony Blinken lơ 17/9 mbơh mra nsrôih gay geh tay ăp dak Arập ndâk ndrel ƀư ân ueh nau tâm boh ma Israel. Tâm rơh rƀŭn, Kruanh n’gâng kan nchră nău đah dak bah dih Mỹ rnê ngăn ăp nau geh bah nau tâm nchră ndrel văng sa ma Israel ndrel ăp dak Arập dơi geh jêh rnôk ndâk tâm boh. Mỹ mra ndrel ăp ding ntrŭt tay ân dăng nau geh jêng aơ. Êng nê kŏ kơl nau tâm boh tă bah ơm đah Israel ndrel Ai Cập ndrel Jordan hun hao lơn. Nŭih dâk bôk ntŭk kan nchră nau Mỹ lah rjăp, nau kan tâm nchră mro geh pơk ndrel păng bonh đă tay ăp dak Arập êng ndâk nau tâm boh kan nsum đah Israel./.

Nŭih rblang: H’Thi