VOV4.M’nông: Ta Hà Nội, Đại tướng Tô Lâm, Kruanh n’gâng kan Công an hŏ geh nar vơt nŭih ntoh măt bah Hoa Kỳ ta Việt Nam Daniel Kritenbrink tât ntĭnh di rnôk păng lôch năm gŭ kan ta Việt Nam. Kruanh n’gâng kan Tô Lâm rhơn ân wa Daniel Kritenbrink hŏ ƀư jêh nau kan rnôk kan tâm Việt Nam ndrel geh Tổng thống Hoa Kỳ đă ƀư Groi kruanh n’gâng kan Hoa Kỳ mât kan Đông Á-Thái Bình Dương. Kruanh n’gâng kan Tô Lâm lah ueh wa Daniel Kritenbrink ndrel lah rjăp, Việt Nam ŭch lŏ tâm boh gay ntrŭt dăng nau tâm boh ăp ntil đah Hoa Kỳ tâm nau tâm ryơk nau đăp mpăn, ƀư tơm neh ntu, nkuăl neh, yor nau geh jêng bah ƀon lan bar dak, rgop nau mât đăp mpăn, rnă njrăng, tâm boh ndrel hun hao tâm nkuăl ndrel lam ntur neh. Kruanh n’gâng kan Tô Lâm ŭch, tâm rơh tât, Hoa Kỳ kơl an nŭih Việt Nam geh dŏng vắc xin njrăng rdâng srê Covid-19, tâm boh đah Chính phủ Việt Nam tâm nau jao nau kan, ê nkra vắc xin./.

Nŭih rblang: H’Thi