VOV4.M’nông - Ntŭk Tổng thống Pháp măng nar 26/10 mbơh an gĭt Tổng thống Pháp Emmanuel Macron lĕ geh rơh kuăl tâm nchră đah Kruanh dak Trung Quốc Tập Cận Bình gay tâm nchră âk nău, tâm nĕ kuăl ƀư uĕh tâm ban tay tâm boh châu Âu-Trung Quốc tĭng trong n’hao lơn tay nău geh hăn, geh sĭt, lơn lah tâm nău gĭt ntŭk tăch rgâl. Tổng thống Pháp kuăl jă Trung Quốc ndâk njêng du trong gĭt tât nău ndâk njêng đah trong rơih jăng ăp trong nchâp đă nchrŏng tâm ăp dak nuĭh EU kơt ăp nghị sĩ bah Nghị viện châu Âu. Tĭng nău mbơh bah Ntŭk Tổng thống Pháp, tâm rơh kuăl tâm nchră đah Kruanh dak Trung Quốc Tập Cận Bình, Tổng thống Pháp Emmanuel Macron lĕ đă Trung Quốc mbơh na nê̆ ntŭk ntô neh dak, nkra n’gluh an ăp nău ton uĕh lơn an rơh njrăng n’gang rgâl trôk nar duh nđik.

Nuĭh rblang: Y Sưng Phê Ja