VOV4.M’nông: Kêng măng 13/4, Kruanh Quốc hội Vương Đình Huệ, Kruanh Hội đồng săch kan neh dak ndrel rmôt kan mêt uănh bah Uỷ ban Rnâng kan Quốc hội, Hội đồng săch kan neh dak pah kan đah Rnâng kan Thành uỷ, Uỷ ban săch kan bah nkuăl ƀon têh Hải Phòng. Ntoh nau ta nar pah kan, Kruanh Quốc hội Vương Đình Huệ, Kruanh Hội đồng săch kan neh dak ân lah, Hải Phòng lah rmôt kan bôk năp hăn mêt uănh tâm nau kan mhe, yor aơ lah du n’gor geh ƀư ueh nau kan săch kan gay ma tâm nchră uănh ăp nau tă blau gay geh ăp nau kan nsum ân lam dak. Kruanh Quốc hội Vương Đình Huệ đă, tâm rơh tât, nkuăl ƀon têh Hải Phòng lŏ uănh ân rjăp nkô̆, nau đă, nau khlay bah rơh săch kan rơh aơ, mĭn ân rjăp nau kan mpeh rnoh nŭih hội đồng ăp gưl ndrel pă nau kan ân ăp nŭih jêh nchrăp. Hội đồng săch kan geh ntŭk nkoch mbơh ndrel rklaih ăp nau tât ndal gay ma năn rđau nau săch kan./.

Nŭih rblang: H’Thi