VOV4.Mnông – Kruanh Kruanh Quốc hội Vương Đình Huệ nar 28/4 lĕ geh nar pah kan đah Rnâng kan Ủy ban Khoa học, Công nghệ n’hanh Môi trường. Kruanh Quốc hội an lah, tĭng nău ntrŭnh bah Trung ương, Đảng đoàn Quốc hội mbra ndâk njêng du bôk nău kan tĭng nghị quyết Đại hội 13 bah Đảng, N’gâng kan Chính trị mbra uănh nđôi nkô̆ nău aơ tâm 12 khay năm 2021. Hôm ta rơh rƀŭn tal 11, Quốc hội khóa 14 lĕ mbơh an nghị quyết, tâm nĕ jao an Quốc hội 8 rmôt nău gay n’hao lơn tay nău kan bah Quốc hội.

Kruanh Quốc hội Vương Đình Huệ ntoh ngơi ta nar pah kan

Aơ lah rơh pah kan tal 10 bah Kruanh Quốc hội đah ăp ngih pah kan bah Quốc hội. Nău geh bah Quốc hội lĕ dơi geh tâm 75 năm bah năp n’hanh ngăn lah tâm năm kan 14 lah dŭt têh, yơn lah, tă bah ăp rơh pah kan lĕ an saơ, hôm e an rgâl mhe tay n’hanh n’hao uĕh, tam, săk rnglăy nău kan bah Quốc hội tâm năm tât. Kruanh Quốc hội Vương Đình Huệ đă, Ủy ban Khoa học, Công nghệ n’hanh ntŭk ntô gŭ âm nchrăp ndâk njêng bôk nău rgop an tâm nchră rgâl mhe nău n’hao uĕh săk rnglăy nău kan bah Ủy ban an Quốc hội khóa 15, tĭng nău geh ơm mpeh ăp trong kan lập pháp, groi nđôi n’hanh nău ntrŭnh ăp nău khlay bah neh dak.

Nuĭh rblang: Y Sưng Phê Ja