VOV4.M’nông: Kêng măng 15/4, ta Ngih kan Quốc hội hŏ geh nar rƀŭn bah Uỷ ban Rnâng kan Quốc hội ndrel ăp ntoh măt ƀư nau kan tâm Trung ương. Aơ lah rơh tâm nchră bôk năp bah Uỷ ban Rnâng kan mâp măt ăp ntoh măt Quốc hội mpeh nau kan rnoh nŭih. Kruanh Quốc hội Vương Đình Huệ ƀư tơm. Ntoh nau ta nar rƀŭn, Kruanh Quốc hội Vương Đình Huệ lah kloh, ta nar tâm nchră nau ntrŭnh tâm rơh rƀŭn tak 11. Quốc hội gưl 14 mpeh nau kan tâm năm kan 2016-2021 bah Quốc hội geh 8 nkô̆ nau ma Quốc hội ân geh ƀư, đăp mpăn Quốc hội ngăn lah ntŭk kan ntoh măt prêh ngăn bah ƀon lan. Uỷ ban Rnâng kan Quốc hội ân geh nsôih, lŏ djăt ăp nau rgop bah ăp ntoh măt Quốc hội ƀư kan, rgop nau rgâl mhe, n’hao lơn tay nau săk tam bah nau kan Quốc hội. Tâm rơh tât aơ, Quốc hội mra ndâk bôk nau kan gay ƀư nau ntrŭnh Đại hội tal 13 bah Đảng. Tâm nê mra ƀư ăp nau kan êng êng, đah nau tâm rgop, nau râng bah ăp ntŭk kan ƀư tơm ndrel ăp mông ân ngăn. Rơh tât, rđau kan Quốc hội mra geh nau kan ngăn đah Hội đồng dân tộc, ăp uỷ ban, ntŭk kan bah Quốc hội ndâk nau nchrăp ndâk, ntrŭnh nau kan gay ma rƀŏng tât nau ndâk ntrong kan pháp luật tâm năm kan tât./.

Nŭih rblang: H’Thi