VOV4.Mnông – Ôi 12/4, ta Hà Nội ƀư Rƀŭn nchră mbơh nghị quyết bah Quốc hội mpeh săch tổng kiểm toán Ngih dak năm kan 2016-2021 n’hanh jao an trong kan bah Tổng kiểm toán Ngih dak. Ndơn măt Kruanh Đảng đoàn Quốc hội, Ủy ban Thường vụ Quốc hội, Kruanh Quốc hội Vương Đình Huệ mbah rhơn Kiểm toán ngih dak mhe Trần Sỹ Thanh dơi Quốc hội săch đah rnoh phiếu âk. Kruanh Quốc hội Vương Đình Huệ nsing nơm lah, đồng chí Trần Sỹ Thanh ndrel nsum mpôl ban cán sự đảng, đảng ủy n’hanh ngih pah kan Kiểm toán ngih dak ntĭm rđau tay kiểm toán ngih dak ƀư tĭng nău kan khlay lĕ dơi ntrŭnh. Kruanh Quốc hội Vương Đình Huệ lah rjăp, Kiểm toán ngih dak an n’hao tâm rgop rjăp đah ăp ngih pah kan dơi kan tâm nău uănh mĭn tay, rmal ăp nău tih, n’hao săk rnglăy rchăng n’gang sa khâm, mpŭng lir, saơ, rmal rjăp ăp nău tih, ƀư mô uĕh tâm nău kan kiểm toán kơt tâm nău mât uănh, dŏng drăp ndơ nsum n’hanh prăk kaih nsum bah ngih dak.

Nuĭh rblang: Y Sưng Phê Ja