VOV4.M’nông:  Ôi lơ 11/4, ta n’gor Nghệ An, Kruanh Quốc hội Vương Đình Huệ hŏ râng nar ndơn nau ntrŭnh bah N’gâng kan dak si kơp dơn Ngih dak si Hữu nghị đa khoa Nghệ An lah ngih dak si ueh ngăn mpeh nau kan khám, săm ji tâm nkuăl Bắc Trung Bộ. Ndrel râng geh Kruanh n’gâng kan dak si Nguyễn Thanh Long ndrel ăp rđau kan Đảng, Ngih dak. Ntoh nau ta nar rƀŭn, Kruanh n’gâng kan dak si Nguyễn Thanh Long ân lah, kan ntrŭnh nau kơp dơn ndrel jao nau kan tâm ngih dak si nâp ngăn mpeh nau kan, khám săm ji bah nkuăl Bắc Trung Bộ ân ngih dak si Hữu nghị Đa khoa Nghệ An lah nau geh khlay bah n’gor gay rƀŏng tât nau dơi bah nau ntrŭnh mrô 26 bah Bộ chính trị ndrel nau ntrunh bah Đại hội Đảng bộ n’gor Nghệ An tal XIX hŏ nchrăp luh. Di rnôk aơ, Kruanh Quốc hội Vương Đình Huệ hŏ pă 2 máy kơl sŏ n’hâm ueh ngăn ân Ngih dak si Hữu nghị Đa khoa Nghệ An./.

Nŭih rblang: H’Thi