VOV4.M’nông: Nar 28/6, Tổng thống Nga Vladimir Putin hŏ geh rơh tâm mâp đah kruanh Trung Quốc Tập Cận Bình nkhêp nkah ndray 20 năm bar dak kí ton tâm boh kâng n'har tâm rnglăp n'hanh tâm boh dêh bên. Tâm rơh mâp, kruanh rđău kan bar dak rgum uănh năl mpeh nău ngăn geh n'hanh tâm boh let năp tay đah Nga- Trung Quốc. Bar ding tâm nchră mpeh ăp nkô̆ nău dak bah dih n'hanh n'hao dăng tâm boh bar ding, lơn lah tâm boh tahen. Bah năp nê, năm 2017, bar dak hŏ kí trong rƀŏng tâm boh tahen, tâm ton dơi an lah gay rƀŏng tât du trong tâm boh tahen mhe. Yơn lah, tĭng mpôl nkoch trêng nău lư phương Tây, nău Nga tâm boh tay đah Trung Quốc đah nău ƀư lah dak tâm boh têh dơi jŏ jong dêh bên dôl khuch tât rnă njrăng bah dak nơm dja n'hanh ƀư rchoh lưn tâm boh đah Nga n'hanh ăp dak châu Âu.

Nuĭh rblang: Điểu Thân