VOV4.M’nông – Kruanh Tâm rnglăp nchră nău Indonesia Retno Marsudi mbra râng rƀŭn nchră Kruanh n’gâng kan tâm rnglăp nchră nău ASEAN-Trung Quốc ƀư ta Trùng Khánh, Trung Quốc (ƀư bah nar 7-8/6. Nchrăp, wa Retno Marsudi mbra mâp ăp ding đah wa Vương Nghị-Kruanh n’gâng kan tâm rnglăp nchră Trung Quốc. Ta năp nĕ, Indonesia n’hanh Trung Quốc lĕ ƀư tâm nchră gưl prêh. Jêh rơh mâp, 2 ding lĕ ký “Sam ƀŭt nkah gĭt đah Trung Quốc n’hanh Indonesia mpeh nău ndâk njêng trong ƀư tâm nchră kan ndrel gưl prêh” n’hanh “Sam ƀŭt nkah gĭt đah Trung Quốc n’hanh Indonesia mpeh n’hao kan ndrel ta dak lêng”. Đại sứ Indonesia ta Hiệp hội ăp dak Đông Nam Á Ade Padmo Sarwono, an gĭt nău n’hao kan ndrel đah nkual n’hanh Trung Quốc lah nkô̆ nău khlay tâm bôk nău kan rƀŭn nchră Kruanh N’gâng kan ASEAN-Trung Quốc rơh aơ.

Nuĭh rblang: Y Sưng Phê Ja