VOV4.M’nông: Kruanh Trung Quốc Tập Cận Bình ndrel Tổng thống dak Cộng hoà Peru Pedro Castillo tâm rgâl điện rhơn di nkah 50 năm nar ndâk nau tâm boh nchră nau đah Trung Quốc ndrel Peru. Kruanh Trung Quốc Tập Cận Bình mbơh, nau tâm boh Trung Quốc-Peru geh nau nâp nâl. Kơp ntơm rnôk ndâk nau tâm boh nchră nau, bar dak hŏ mô rlu ƀư jru, nâp nau tâm rnơm mpeh chính trị, pơk hvi nau tâm boh kan ngăn, lŏ pơk hvi nau tâm n’ur ƀon lan ndrel tâm n’ur nau vay ơm, jêng nau ueh bah nau tâm rnglăp, tâm boh ndrel hun hao nsum bah Trung Quốc ndrel ăp dak Châu Mỹ Latinh. Tâm nau rgop nê, Tổng thống Peru, wa Castillo mbơh, Peru uănh khlay nau tâm boh hun hao đah Trung Quốc, rnê ngăn nau kơl an mpeh ndơ dŏng, vắc xin gay Peru rdâng srê Covid-19, nkre mra mât nau tâm boh ân nâp đah Trung Quốc, ntrŭt dăng nau tâm boh tâm ăp nau kan tăch rgâl, ntuh kơl, pâl n’aih ndrel mrô./.

Nŭih rblang: H’Thi