VOV4.M'nông: Ôi 16/11 hŏ ƀư rơh rgum nchră pơk sŏng dăng lor bôk năp đah Kruanh Trung Quốc Tập Cận Bình n'hanh Tổng thống Mỹ Joe Biden. Lah ta rơh mâp, wa Tập Cận Bình lah rjăp nău khlay bah nău tâm boh Trung Quốc- Mỹ. Păng an lah, ân geh du trong tâm boh  uĕh đah Trung Quốc n'hanh Mỹ gay ntrôl dăng nău hun hao bah ăp dak n'hanh mât ntŭk gŭ rêh lam ntŭr neh đăp mpăn, lĕ ma nău rdâng lơh geh nău tam đah ăp ntul rlong lam ntŭr neh, kơt rgâl duh nđik trôk nar n'hanh nuh srê Covid-19. Wa Tập Cận Bình mpơl nău nchrăp ndrel đah Tổng thống Biden tĭng ƀư ăp nău kan nsrôih ndơ̆ tâm boh Trung Quốc- Mỹ hun hao tĭng trong nsrôih uĕh. Aơ lah rơh mâp pơk sŏng dăng lor bôk năp đah bar kruanh rđău kan kơp ntơm bah rnôk wa Biden dơn nău kan rnôk khay ngoăy./.

Nuĭh rblang: Điểu Thân