VOV4.M’nông:  Di rnôk wa Nguyễn Xuân Phúc geh săch đă ƀư Kruanh dak Cộng hoà xã hội chủ nghĩa Việt Nam, kêng măng 5/4, Tổng bí thư, Kruanh dak Cộng hoà dân chủ nhân dân Lào Thounglun Sisolith hŏ njoăl săm ƀŭt ndrel kuăl điện thoại gay ma rhơn. Tâm n’ha săm ƀŭt Tổng Bí thư, Kruanh dak Lào rnơm lah, đah nau blau, nau rnơm ndrel nau tă jong kan bah nơm, Kruanh dak Nguyễn Xuân Phúc ndrel Rnâng kan rđau kan mhe mra leo Việt Nam geh âk nau dơi rêh lơn, ƀư ân dơi nau ntrŭnh Đại hội tal XIII bah Đảng Cộng sản Việt Nam. Thủ tướng Trung Quốc Lý Khắc Cường njoăl điện rhơn tât Kruanh dak Nguyễn Xuân Phúc ndrel Thủ tướng Chính phủ Phạm Minh Chính. Thủ tướng Trung Quốc lah rjăp mra lŏ ndâk nau kan tâm boh ndrel geh nau dơi, ndrel geh săk rnglay đah bar dak, rgop nau ueh ân nau tâm boh kan nsum ndrel tâm boh ăp ntil Trung Quốc-Việt Nam. Ndrel nar, Thủ tướng Nhật Bản Suga Yoshihide kŏ kuăl điện rhơn njoăl tât Kruanh dak Nguyễn Xuân Phúc ndrel Thủ tướng Chính phủ Phạm Minh Chính./.

Nŭih rblang: H’Thi