VOV4.Mnông –  Nar 27/4, Kruanh N’gâng kan tâm rnglăp nchră nău Bùi Thanh Sơn lĕ geh rơh điện tâm nchră đah kruanh N’gâng kan tâm rnglăp nchră nău Liên bang Nga Sergei Lavrov. Ta rơh điện tâm nchră, Kruanh n’gâng kan Sergei Lavrov mbah rhơn Kruanh n’gâng kan Bùi Thanh Sơn dơi săch ƀư Kruanh N’gâng kan tâm rnglăp nchră nău Việt Nam. Kruanh n’gâng kan Sergei Lavrov mbah rhơn ăp nău dơi geh tâm rnglăp nchră nău bah Việt Nam rnôk dăch aơ, tâm nĕ geh nău ƀư lôch uĕh Kruanh ASEAN 2020 n’hanh Ủy viên mô rnâng kan Hội đồng Bảo an Liên hợp quốc năm kan 2020-2021, uănh lah prêh nău kan khlay nar lơ ntoh lư bah Việt Nam ta lam ntŭr neh n’hanh ta nkual. 2 Kruanh lĕ tâm rgâl mpeh nu nău kan ndrel đah 2 N’gâng kan tâm rnglăp nchră nău, tâm rgop đah 2 dak ta ăp rƀŭn nchră ăp ding, tâm nĕ Hội đồng Bảo an Liên hợp quốc n’hanh ta ASEAN. 2 Kruanh n’gâng kan nchră nău nkoch nău ŭch ntrôl ƀư uĕh ăp nău kan tâm rnôk năm tâm plĕ Việt-Nga tâm năm 2021.

Nuĭh rblang: Y Sưng Phê Ja