VOV4. M’nông: Bol ma tât khuch bah nuh srê Covid-19, yơn tâm quý 1 năm aơ ăp nkuâl ta n'gor Lâm Đồng hôm dơi nta trong dơh joi geh nău kan an bơi 6.000 nuĭh kan đŏng, rgop n'hao nău geh wăng sa, đăp mpăn nău rêh. Tâm rnoh bơi 6.000 nuĭh kan dơi nta joi geh nău kan ri tâm nê geh rlău 1.830 nuĭh kan joi geh nău kan mhe, rlău 100 nuĭh hăn kan dak bah dih, geh 20% trong nchrăp, hao 10% rđĭl đah ndrel khay dja năm e nơh. Nkre n'gâng kan lao động thương binh n'hanh xã hội ƀư ăp bôk nău kan mbơh nti, nta joi nău kan, tĭng ƀư nău ntop kơl nti nău kan nkre đah an ƀư geh nău dơi trong kơl dơh, kơi năp nti, ntĭm nti nău kan ta ntŭk ma ăp trong ntĭt leo, tăm, mât chăm cà phê, tuch tăm biăp kao công nghệ mhe, mât rong, ƀư ntĭm nti nău kan kơt: cơ khí, nkra điện, gia công, mỹ nghệ, choh bok rao, cheh rup ndrang, rdâk njêng...aơ lah ăp nău kan dŭt tâm di dơi ăp công ty, doanh nghiệp ta n'gor geh nău ŭch sơch lăp nuĭh kan, rgop đăp mpăn trong nchrăp nta joi nău kan an 13.000 - 15.000 nuĭh kan tâm năm 2021 bah n'gor Lâm Đồng./.

Nuĭh rblang: Điểu Thân