VOV4.M’nông: Nkhêp nkah ndray 46 năm nar rklaih luh miền Nam, dơn ngoăy neh dak (30/4/1975 - 30/4/2021), ôi 29/4, Tỉnh ủy, HĐND, UBND, Ủy ban MTTQ Việt Nam n'gor Lâm Đồng hŏ khuh n'gôr ƀư nău way chop môch ăp tahen ơm dăng janh khĭt tâm lơh tâm su ta Nghĩa trang liệt sĩ nkual ƀon têh Đà Lạt.

  Tâm mông huêng khlay, ăp rvoal kao ntơr uĕh geh nchih "Mbro mbrăng nkah gĭt n'hâm suan ăp tahen ơm dăng janh khĭt tâm lơh tâm su" n'hanh ăp nchăp nhang hŏ dơi ăp nuĭh ntơh măt mpoh ta ndap rup nkah gĭt n'hanh an du mnĭt chŭn mbah đah nuih n'hâm dăn mbah nkah gĭt ăp tahen ơm dăng janh, khĭt tâm lơh tâm su tâm bar rơh tâm lơh tâm su têh dăng bah rnoi nuĭh đah nuĭh n'hâm chon mbah n'hanh nuih n'hâm nkah gĭt jru bah Đảng bộ, N'gâng kan n'hanh ƀon lan n'gor Lâm Đồng đah ăp tahen ơm dăng janh, khĭt tâm lơh tâm su kăl e ăp nuĭh mô n'huach nting mham gay mât njrăng đăp mpăn, dah rŏng rnoi nuĭh, rhơn răm bah ƀon lan. Lôch ƀư nău way n'hơr an kao n'hanh mpoh nhang ta ndap rup nkah gĭt, kruanh rđău kan n'gor n'hanh ăp nuĭh ntơh măt hŏ mpoh nhang tĭng môch ăp tahen ơm dăng janh khĭt tâm lơh tâm su kăl e./.

Nuĭh rblang: Điểu Thân