VOV4. M’nông: Ƀan rđău đă ôp uănh tay ăp tŏng lam lĕ rngôch jâng wăng sa n'gor Lâm Đồng hŏ ƀư rơh hop an pah kan rgum ôp uănh lĕ rngôch jâng wăng sa n'hanh ôp uănh ntŭk kan ƀư si ƀŭt kan năm 2021. Tĭng nău mbơh bah Cục Thống kê n'gor, kơp tât khay 4 năm 2021 lam n'gor hŏ an ƀư hăn ôp uănh 2158 tâm lĕ rngôch rnoh 8659 doanh nghiệp, tât rnoh 33%. Đah rmôt n'gâng kan ƀư si ƀŭt lam n'gor hŏ an ƀư ôp uănh 519/519 nhih pah kan mât ƀư si ƀŭt kan, geh tât rnoh 100%...Uănh nsum pah kan hăn ôp uănh ta ăp ntil tâm bah ri aơ bôk năp hŏ đăp mpăn săk geh kan, nău lư rnoh nchih rgum nău lư ăp tŏng n'hanh pah kan hăn ôp uănh dơi ƀư di rêng quy định. Yơn lah bah meng nê, hôm geh du đêt nchiăng khan đŏng kơt rnoh ngăch pah kan hăn ôp uănh ta du đêt nkuâl hôm mbrơi, du đêt phiếu ôp uănh geh tât doanh nghiệp, n'gâng kan hôm geh tih leh mpeh kỹ thuật. Let năp tay, Ƀan rđău đă ôp uănh lam lĕ rngôch mbra rgum ntrôl dăng tay pah kan hăn ôp uănh, ntrŭt ntrôl lĕ rngôch ăp đơn vị tĭng ƀư nchih mbơh nău lư ăp tŏng, gay ƀư lôch jêh uĕh ôp uănh rgum lam lĕ rngôch jâng wăng sa năm 2021 ta n'gor Lâm Đồng.

Nuĭh rblang: Điểu Thân