VOV4.M’nông: Âk khay rlau aơ, nŭih ƀon lan tuch tăm tâm 2 ding dak me Đa Nhi, rlet xã Lạc Xuân, nkuăl Đơn Dương n’gor Lâm Đồng dŭt n’hâm khuch yoor lah dak geh bŏ djơh ngăn. Hŏ geh âk neh tăm tuh mbo geh khuch yor geh tŏ ma dak ƀŏ, dak rkăl yor lah sŏk chih tâm dâng.

Bol ma hŏ nchrăp ăp ndơ gay ma tăm ân yan tăm byăp xà lách mhe, yơn rlau 10 nar ma aơ, rnăk yuh Nguyễn Thị Lành, ta Thôn Diom B, xã Lạc Xuân, nkuăl Đơn Dương hôm geh njrăng, mô janh njur ntil yoor geh nau klach. Nkô̆ lah yor dak krong gay ma tŏ byăp Đa Nhim hŏ geh rkăl lĕ, geh rnôk dak rkăl hô kơt lah dak bŏk ngăn yor lah bu sŏk chih tâm dâng dak. Tĭng yuh Lành, kan tăm byăp rih ăp ntil, ngăn lah băp cải, xà lách, cải thảo…ân geh dak tŏ ân ueh, lah tŏ dak rkăl, dak mô ueh ndrel âk bŏk ri byăp mra roh dơm, khuch ngăn tât văng sa:

  ‘Nchrăp jur ntil yan aơ lah 1,3 ha xà lách nkre, yơn lah nau kan saơ dak rkăl kơt aơ ri byăp nơm tăm mra djơh lĕ. Tăm byăp xà lácg ri 2 tât 3 pơh lah păng klôn n’ha hôm, lah nơm tŏ dak kơt aơ tâm byăp ri păng jêng ôch, phung hên mra roh dơm”.

Ƀon lan kuăl mbơh yor dak ƀơ̆ bah dak me Đa Nhim.

Nau kan sŏk choh ƀư dak me Đa Nhim rkăl, khuch djơh ngăn tât nau kan tuch tăm bah nŭih ƀon lan tâm nkuăl. Tĭng wa Phan Thị Cấp, ta Thôn La Bouye A, xã Lạc Xuân, bol ma dak mô gẹh kloh yơn nŭih ƀon lan kŏ tŏ tơm tăm yor mô geh tơm dak êng. Hŏ geh âk nhe tăm byăp djơh khuch, tơm tăm mô hao jêng yoor dak rkăl. Lah nau aơ lơn ma jŏ ri mra ƀư ƀon lan tât tâm nau jêr, tâm nê geh rnăk wa:

  ‘Tăm bắp sú lah tŏ dak rkăl ri jêh nê byăp tâm trôm păng jêng màu ôch, mô ueh ôh. Lah nsum, rêh tâm dak me Đa Nhim aơ rnơm ma dak tă bah dak me Đa Nhim dơm. Yan mih ri dak lip lĕ, hôm yan aơ ri rgum tuch tăm ri dak tŏ lŏ mô geh dơi”.

Đa Nhim lah dak krong têh hoch tât ăp xã, nkuăl têh bah nkuăl Đơn Dương ndrel du gưl bah nkuăl Đức Trọng, ntŭk pă dak tŏ ngăn ân nau kan tuch tăm tâm nkuăl tăm âk byăp ngăn bah n’gor Lâm Đồng. Nau gay lah, rnôk aơ lah yan vai, rnoh dak tŏ rtâm dak me Đa Nhim mô âk yơn lah rmôt kan sŏk choih lah Công ty TNHH Lê Oai Lâm Đồng (ntŭk pah kan tâm nkuăl Đơn Dương) hŏ rgum 2 duk têh gay ma rhôp choih hao kơh. Dak bŏk mô geh rklaih, ƀư rngân geh ntŭưk kan aơ ân hoch nkre tă klơ kơh jur tâm dak, ƀư dak krong lơn ma rkăl ngăn.

Ƀon lan kuăl mbơh yor dak ƀơ̆ bah dak me Đa Nhim.

Dơi dĭt, Công ty TNHH Lê Văn Oai Lâm Đồng geh n’gor Lâm Đồng pă ăm ƀŭt ân dơi nau sŏk choih ta aơ tâm rnoh rlau 11 ha, kơt lah kơp njok ngăn tĭng trong dak me Đa Nhim geh rnoh jong bơi tât 6km. Ntơm rnôk sŏk choih tâm lơ 30/11/2020 ndrel lôch jêh nê nklăp 14 năm 5 khay. Wa Hoàng Công Hiếu, Kruanh jrâu kan Tài nguyên ndrel Môi trường nkuăl Lạc Dương mbơh, kan công ty aơ sŏk choih ƀư jêng nau mô ueh tât tơm dak, khuch ngăn tât nau kan tuch tăm bah nŭih ƀon lan lah nau dôl ma geh ngăn. Tâm rơh tât, lah nau kan aơ mô geh mpeh ntŭk sŏk choih geh trong rklaih ngăn ri mra ân nchâp ntŭk aơ ân nsrŭng nau kan sŏk choih:

  ‘Tâm rnôk ƀư sŏk choih ri ân geh đăp mpăn ân tơm dak ân nŭih ƀon lan dŏng tâm nau tŏ dak ân tơm tăm. Yơn lah, tât rnôk aơ, bah nau nkoch mbơh bah nŭih ƀon lan ri nau ueh bah tơm dak tŏ ê geh nau đăp mpăn ơm. Yor ri, tâm rơh tât nkuăl ndrel jrâu Tài nguyên ndrel mô trường mra geh nau nau mêt uănh tay, kơp uănh ăp ntŭk jêh ri đă nŭih tơm ƀư nau kan ân geh rklaih ân nâp. Lah mô geh geh nau dơi rklaih ri mra mô hôm ân nau kan sok choh bah ntŭk kan Lê Văn Oai’.

Ƀon lan kuăl mbơh yor dak ƀơ̆ bah dak me Đa Nhim.

  Mô êng knŭng tơm dak geh nau khuch djơh hô, nau kan sŏk choih bah Công ty TNHH Lê Văn Oai Lâm Đồng hŏ ƀơ âk ntŭk dak hoch bah dak me Đa Nhim geh rluh jru, rlâm kơh, nau khuch geh tât nau rluh âk neh meng kơh dak tâm yan mih tât lah dŭt hô. Êng nê tâm nau kan sŏk choih, lah công ty sŏk choih hôm dah rŏng ma bât lơi trong dak tâm nklang dak, nkre ma ƀư ê geh đăp măpn ă nau tâm ton tĭng nau ntrŭnh bah pháp luật, tâm nê geh nau kan bư nau rnglăp trạm njing tâm ntŭk leo choh luh bah ntŭk sŏk nê ân ntrơn ntŭk êng, mô geh nglăp camera tâm nkuăl geh mât choih gay ma mât mbơh nau tât./.

Nŭih rblang: H’Thi