VOV4.Mnông – Ôi 23/3, ta Ntŭk Hành chính n’gor, Ban rnâng kan Ủy ban MTTQ Việt Nam n’gor Lâm Đồng ƀư rƀŭn nchră pơk sŏng dăng lam n’gor gay ntĭm nău ƀư sŏk nău rgop nuĭh ƀon lan ntŭk gŭ đah ăp nuĭh dơi săch đại biểu Quốc hội khóa 15, đại biểu HĐND ăp gưl năm kan 2021-2026. Rƀŭn nchră dơi ƀư pơk sŏng dăng tât 12 ntŭk ƀoh nkuăl, nkaul ƀon têh tâm n’gor.

Ăp đaị biểu râng tiăr nti bôk ntŭk ƀoh Đà Lạt

Tă bah rƀŭn nchră, sŏk nău rgop uănh mĭn tay n’hanh nsing nơm bah nuĭh ƀon lan ntŭk gŭ, Ban rnâng kan Ủy ban MTTQ ăp gưl geh nkô̆ nău uănh lah lĕ rngôch, tâm di ăp nuĭh dơi săch gay hiệp thương nchih săk nuĭh tŏng tâm di, ntoh lư, tâm di đah nău nsing nơm bah nuĭh ƀon lan ta rƀŭn nchră hiệp thương rơh tal 3. Rƀŭn nchră sŏk nău rgop an tŏng ăp rjăp lơn, nta an nuĭh ƀon lan mât uĕh nău dơi ƀư tơm, ntoh ngơi rgop nău râng tâm rgop đah nuĭh dơi săch. Nar ƀư rƀŭn nchră nuĭh ƀon lan đah nuĭh dơi săch ƀư bah nar 21/3 tât nar 14/4.

Nuĭh rblang: Y Sưng Phê Ja