VOV4.M’nông: Ôi lơ 23/4 ta nkuăl ƀon têh Đà Lạt, n’gor Lâm Đồng tâm rgop nsum đah rmôt kan Novaland ndrel ăp mrôt kan nsum ƀư nau rgŏ jă tăm 50 rkeh tơm si rih tâm n’gor Lâm Đồng lvang năm 2021-2025. Ntoh nau ta nar rgŏ jă, wa Trần Văn Hiệp, Groi Bí thư n’gor uỷ, Kruanh UBND n’gor Lâm Đồng mbơh: Nau kan tăm tơm si, mât ntŭk ntu gŭ âm ndrel mât rong kon nŭih lah ngoai tâm âk nau kan khlay tâm nau kan ndâk njêng, mât ndrel hun hao neh dak Việt Nam. Kơt tĭng nau blau mhe tăm du rmen tơm si ndrih bah Thủ tướng Chính phủ rgŏ jă tâm nau kan “tết tăm tơm si” ndrel n’hao nau kan mât chăm, hun hao bri, n’gor Lâm Đồng hŏ ntrŭnh ndâk ndrel nchrăp nau tăm 50 rkeh tơm si lvang năm 2021-2025 tâm lam n’gor./.

Nŭih rblang: H’Thi