VOV4.M’nông – Ôi 26/3, HĐND n’gor Lâm Đồng khóa 9 lĕ ntơm ƀư rơh rƀŭn tal 18 gay uănh mĭn tay mbơh an ăp nghị quyết khlay mpeh hun hao wăng sa-rêh jêng bah n’gor. Ta rơh rƀŭn, ăp đại biểu uănh mĭn tay, tâm nchră n’hanh mbơh an dự thảo ăp nghị quyết khlay mpeh ntuh kơl nsum, kơt: Nghị quyết uănh an nău ntrŭnh ntuh kơl, nkra rgâl di nău ntrŭnh ntuh kơl ăp nău nchrăp ƀư ntuh kơl nsum; nkra rgâl an di, ntop tay trong nchrăp ntuh kơl nsum tơm prăk n’gor năm 2021; n’hanh trong nchrăp ntuh kơl nsum tơm prăk ntop tay geh nău rƀŏng bah tơm prăk Trung ương năm 2021.

Rơh rƀŭn tal 18 HĐND n’gor Lâm Đồng khóa 9

Lơn lah, rơh rƀŭn aơ hôm uănh mĭn tay mbơh an Nghị quyết tă bah trong ƀư ntuh kơl nchrăp ƀư trong cao tốc Tân Phú (Đồng Nai)-Bảo Lộc (Lâm Đồng) geh dĭng lĕ jong 67 km tĭng trong ƀư kan ndrel nsum êng. Rnôk nău nchrăp ƀư trong cao tốc aơ jêh mbra ntơm jêh trong cao tốc Dầu Giây-Đà Lạt tĭng trong nchrăp lĕ dơi Thủ tướng chính phủ uănh an, nta an hun hao wăng sa-rêh jêng, đăp mpăn rnă njrăng bri dak bah ăp n’gor tâm nkual Tây Nguyên

Nŭih rblang: Y Sưng Phê Ja