VOV4.M’nông – N’gâng kan ŭnh nar n’hanh trôm ntu sah ônh Lào an gĭt, tâm khay tât, dak aơ mbra n’hao tăch n’gluh điện an ăp dak ASEAN, lơn lah rgum tăch n’gluh điện an ăp dak kiău ma. Tĭng Kruanh n’gâng kan ŭnh nar n’hanh trôm ntu sah ônh Lào Daovong Phonekeo, Lào geh 86 nău nchrăp ƀư ŭnh nar đah dĭng lĕ dăng geh rlău 10.400MW, tâm nĕ rlău 80% lah thủy điện. Tâm 5 năm bah năp, lĕ tăch n’gluh rlău 6.400 MW điện an Thái Lan, Việt Nam, Campuchia n’hanh Myanmar. Aƀaơ, Thái Lan lah dak tăch n’gluh đêt âk ngăn bah Lào đah rlău 5.400 MW. Chính phủ Lào n’hanh Thái Lan lĕ ŭch nkra rgâl tâm ton mpeh tăch rwăt điện, tâm nĕ mbra ntop tay rnoh tăch n’gluh bah Lào.

            Nŭih blang: Y Sưng Phê Ja