VOV4.Mnông – Tổng thư ký Liên hợp quốc Antonyo Guterres phong nău ƀư tâm lơh đah nuĭh ƀư rŭng răng ta Myanmar nkre kuăl jă n’gâng an tahen dak aơ rlu nău dŏng tâm lơh. Tâm du nău mbơh, wa Stephane Dujaric, nuĭh ntoh ngơi Tổng thư ký Liên hợp quốc an gĭt, Tổng thư ký kuăl nsum mpôl lam ntŭr neh kơl gay lôch nău tâm lơh ta Myanmar. Tổng thư ký kuăl jă đŏng tahen Myanmar an nuĭh ntoh măt bah Liên hợp quốc tât groi nđôi n’hanh “n’hŭch” nu nău. Tĭng Liên hợp quốc, kơp bah nar 1/2, rnôk tahen Myanmar djôt bôk, đêt ngăn 138 nuĭh lĕ khĭt tâm rơh tâm lơh đah nuĭh ƀư rŭng răng n’hanh cảnh sát.

Nuĭh rblang: Y Sưng Phê Ja