VOV4.M’nông: Knŭng hôm đê̆ nar dơm lah tât rnôk nchrăp nar gay ma ƀư săch kan Tổng thống Libya tâm lơ 24/12, yơn lah geh âk nau dơi ân saơ nau kan aơ mra geh nsrŭng tay yor hôm âk nau nkol ê dơi geh rklaih. Mpeh ntrong kan pháp lý, Uỷ ban săch kan gưl prêh hŏ nchră mbơh nsrŭng rnoh moh săk dăch dŭt bah ăp nŭih ân geh săch, yor ân geh nau ƀư ntơm nau săch uănh tay mpeh nau dơi pháp lý bah ăp nŭih, tâm rnôk luật săch kan tổng thống ntrŭnh hôm 2 pơh ân ăp nŭih gay ma bonh đă nau rlong săch kan. Tâm rnôk nê, nau kan rŭng răng tâm nkuăl mpeh ba dâng ndrel ba lơ bah Libya tâm âk nar rlau aơ dôl ma ƀư lơn ma duh nfăn nau rvê mpeh nau dơn mât nau kan bah chính phủ rnôk aơ bah Libya ndrel rmôt mât rnă njrăng neh dak tâm rnôk mât đăp mpăn ân ăp nŭih cử tri ndrel ăp nŭih ƀư nau kan tâm rơh săch kan./.

Nŭih rblang: H’Thi