VOV4.M’nông – Bah 8/11, ăp nuĭh dơi an săch dơi dăn hăn tâm rlong nsưng Nghị sỹ Quốc hội kơt nău ƀư Tổng thống Libya tâm rơh săch Tổng thống n’hanh Quốc hội-nchrăp ƀư tâm nar 24/12 tât. Nău khlay aơ dơi kâp nău rgâl mhe bah du njoăt hăn geh trong mhe an neh dak Libya-lĕ ơm geh âk năm băm tâm nău tâm lơh, tâm su. Nar 7/11, ta du rơh rƀŭn mbơh ta thủ đô Tripoli, Kruanh Ủy ban săch ngih dak gưl prêh Libya Imad al-Sayeh n’glêh dŭt mbơh mpeh nar sŏk dơn sam ƀŭt rhăch nău dăn tâm rlong bah ăp nuĭh dơi an săch Nghị sỹ quốc hội n’hanh Tổng thống, tĭng nĕ, tâm rnôk sŏk dơn ăp nuĭh dơi an săch an rơh săch Tổng thống mbra ƀư na nao tâm 15 nar, bah nar 8-22/22; đah rơh săch quốc hội, mbra sŏk dơn sam ƀŭt rhăch nău bah nar 8/11-7/12 tât. Wa Al-Sayeh lah rjăp, aơ lah njoăt hăn bôk năp ngăn ngên tâm rnôk săch, gay ndơ̆ Libya hăn du plơk mhe jêh du rach năm tâm lơh ta neh dak Bắc Phi aơ.

Nuĭh rblang: Y Sưng Phê Ja