VOV4. M’nông: Liên đoàn ăp dak A-rập nar 23/03 kuăl jă n'hao dăng tâm boh lam ntŭr neh tâm njrăng n'gang nău mĭn tĭng nău nŏng êng nơm n'hanh koh dŭt tơm ndơ kơl mpôl lơh ndjơh. Lah ta du rơh hop pơk sŏng dăng bah tâm rgop âk dak bah dih rdâng  lơh tay mpôl lơh ndjơh "Ngih dak Hồi giáo” sơm êng săk (IS), Đại sứ Hussam Zaki, nuĭh kơl kan Tổng thư ký Liên đoàn A-rập, hŏ mpơl nău klach rvê mpeh ăp nău kan lơh ndjơh nar lơn ma hô ta Syria n'hanh Iraq tâm bah ri aơ nơh. Lơn lah nkual yôk lưn Syria hŏ jêng ntŭk gŭ mhe bah ăp mpôl lơh ndjơh. Nuĭh ntơh măt Liên đoàn A-rập kuăl jă n'hao dăng tâm boh rdâng lơh tay ăp nău mĭn tĭng nău nŏng êng nơm n'hanh lơh lĕ bah n'gu tơm păng, nkre ŭch rŏng ăp dak lam ntŭr neh nsrôih lơn gay nking nchăng ăp tơm ndơ kơl an mpôl lơh ndjơh, nkra bah nău tâm lơh n'hanh ntop kơl rnôk hun hao lam lĕ rngôch ta ăp nkual geh lơh hăch rlâm./.

Nuĭh rblang: Điểu Thân