VOV4.M'nông: Lah ta rnôk ntơm pơk tâm nchră mpeh nău dơi kon nuĭh Giơ-ne-vơ, Thụy Sỹ, Tổng thư ký Liên Hợp quốc Antonio Guterres mbơh mbra tâm pă 20 rkeh đôlar gay ntop kơl ăp nău kan kơl nuĭh ta Afghanistan. Wa Guteres lah rjăp đŏng nău khlay rgop tay nklăp 606 rkeh đôlar tâm 4 khay tât, gay đăp mpăn tơm ndơ kơl. Nkre, păng lah rjăp ân geh ăp nău nsrôih tâm ăp trong kan êng ƀa ƀă gay kơl Afghanistan gay đăp mpăn nău tât kơl nuĭh tât ăp nkual êng êng bah neh dak. Nhih pah kan trong trôk kơl nuĭh bah Liên hợp quốc hŏ njêng "ntung gung trong trôk" bah Islamabad, Pakistan tât ăp nkual bah Afghanistan đah ăp nău kan kơl nuĭh dơi an ƀư tâm kêng dŭt khay 8./.

Nuĭh rblang: Điểu Thân