VOV4.M’nông: Lơ 5/5, tâm rơh khâl bah Cao uỷ Châu Âu tât mpeh ba lơ Ma-ce-do-nia, dak si vắc xin bôk năp njrăng Covid-19 đah bơi tât 5000 dĭng geh kơl an bah Liên minh Châu Âu hŏ jao ân neh dak Balkan aơ. Rnoh kơl an aơ lah du gưl bah nau kan ma Liên minh Châu Âu kơl gay rƀŏng tât nau kơl an ndrel pă vắc xin ân ăp dak nkuăl Tây Balkan. Dak di bôk năp geh 4.850 dĭng vắc xin Pfizer tât mpeh ba lơ Ma-ce-do-nia ndrel hôm 20 rbăn dĭng vắc xin êng mra jao tâm khay 5 tât. Ta rơh rƀŭn mbơh, ntoh măt Liên minh Châu Âu ntoh nau tâm ban nuih n’hâm tâm rơh hăn mpeh ba ơ Ma-ce-do-nia ndrel kơl an vắc xin bôk năp bah EU tât dak aơ. Bơi tât 120 rbăn dĭng vắc xin Covid-19 yor EU kơl an mra geh jao tâm dŭt khay 8./.

Nŭih rblang: H’Thi