VOV4.M’nông – “Nuĭh dak bah dih gŭ tâm di ta Việt Nam dơi tŏng ăp nău dơi dah rŏng chroh rƀŭn tĭng nău ntrŭnh bah Luật tín ngưỡng tôn giáo”. Aơ nău lah bah Groi kruanh N’gâng kan Nội vụ, Kruanh Ban Tôn giáo Chính phủ, Vũ Chiến Thắng ta nar mâp măt nuĭh gŭ dak bah dih chroh rƀŭn ta Việt Nam, dơi Ban Tôn giáo Chính phủ ƀư ôi 27/4, ta Hà Nội. Râng nar mâp măt geh chức sắc, ntoh măt ntŭk chroh rƀŭn rgum bah nuĭh dak bah dih, rmôt kan tôn giáo n’hanh ntoh măt ăp n’gâng kan, nău kan, ban tôn giáo ta ntŭk. Ta nar mâp măt ntoh măt lĕ uănh ăp rup ndah mpeh nău rêh chroh rƀŭn dah rŏng ta Việt Nam; djăt nău mbơh nkoch ăp nkô̆ nău bôk năp bah Luật tín ngưỡng tôn giáo, pháp luật mpeh lăp gŭ, nău ƀư tĭng nău kan nsum pơk sŏng dăng tâm nău kan dah rŏng, chroh rƀŭn.... Tă bah nĕ gay ŭch nuĭh dak bah dih dôl gŭ âm chroh rƀŭn ta ntŭk chroh rƀŭn rgum wât lơn pháp luật mpeh dah rŏng, chroh rƀŭn, nău dơi n’hanh ƀư tĭng nău dơi dah rŏng chroh rƀŭn bah nuĭh dak bah dih gŭ tâm di ta Việt Nam.

Nuĭh rblang: Y Sưng Phê Ja