`VOV4.M’nông: Ôi 7/4, Thủ tướng Phạm Minh Chính mbơh Quốc hội ân ƀư nau kan mô hôm ân kan du hê Groi Thủ tướng Chính phủ, du đê̆ Kruanh n’gâng kan ndrel nŭih kan êng bah Chính phủ. Tĭng nê, Quốc hội uănh nau mô hôm ân kan dah Groi Thủ tướng Trịnh Đình Dũng, du đê̆ Kruanh n’gâng kan ndrel Kruanh ntŭk kan tâm ban Bộ. Nau kan rnoh nŭih kan bah Chính phủ năm kan Quốc hội gưl XIV geh 27 nŭih geh: Thủ tướng Chính phủ, 5 Groi Thủ tướng Chính phủ ndrel 21 Bộ trưởng, Kruanh ntŭk kan tâm ban Bộ.

Ta nar Đại hội ntoh măt lam dak tal XIII mhe rlau, geh 9 nŭih kan Chính phủ mô râng kan Trung ương gưl XIII, tâm nê geh 8 nŭih mô ƀư kan yor lôch năm. Jêh ăp ntoh măt Quốc hội tâm nchră ta rmôt kan mpeh nkô̆ nau aơ, Quốc hội uănh nau kan đă mô hôm kan đah Groi Thủ tướng Trịnh Đình Dũng ndrel du đê̆ kruanh n’gâng kan ndrel nŭih kan êng bah Chính phủ đah nau kan nklăch phiếu. Jêh nê, Thủ tướng Chính phủ mbơh ndơ̆ rnoh moh săk gay Quốc hội uănh ntop tay nŭih kan mhe tâm ntŭk mhe nkah./.

Nŭih rblang: H’Thi