VOV4.M’nông –  Nu nău srê Covid-19 ta âk dak ta lam ntŭr neh, ngăn lah ăp dak tâm nkual kơt: Ấn Độ, Thái Lan, Lào, Campuchia dôl geh âk nu nău dŭt klach rvê; Rnoh nuĭh ntưp mhe, rnoh nuĭh khĭt tâm du nar na nao hao, Thủ tướng Chính phủ mhe ký an Công điện mpeh n’hao ƀư njrăng n’gang srê Covid-19 njuăl ăp n’gâng kan, ngih pah kan tâm ban bộ, ngih pah kan tâm Chính phủ; UBND ăp n’gor nkual ƀon têh. Nchrăp lor đă ăp n’gâng kan, nău kan geh tât n’hanh n’gâng kan ƀon lan ăp ntŭk an geh ăp trong mkra tâm di n’hanh săk rnglăy gay nking n’gang srê lăp n’hanh ntưp rêh. Ăp n’gâng kan, nău kan, ƀon lan ƀư dâl công điện bah Thủ tướng Chính phủ, n’hao njrăng đah srê; n’hao lĕ nău kan nuĭh kruanh, ƀư tĭng dŭt n’hâm, tâm ban ăp trong njrăng n’gang srê lĕ n’gluh an đah trong way ƀư “njrăng n’gang dŭt n’hâm, saơ ơm, nkhah êng ngăch, săm tam, mkra lôch, ngăch đăp mpăn nu nău”.

          Nŭih rblang: Y Sưng Phê Ja