VOV4.M’nông: Kêng măng 26/4, mpôl pah kan bah Ủy ban Trung ương MTTQ Việt Nam tă bah wa Trương Thị Ngọc Ánh - Groi Kruanh Ủy ban Trung ương MTTQ Việt Nam ƀư Kruanh mpôl leo hăn hŏ ôp uănh, groi nđôi pah kan bầu cử đại biểu Quốc hội khóa XV n'hanh đại biểu HĐND ăp gưl năm kan 2021 - 2026 ta n'gor Bạc Liêu.  Kơp tât aƀaơ, Ủy ban bầu cử ăp gưl tâm n'gor hŏ n'glêh an nar n'hanh mbơh rnoh đơn vị bầu cử, săk ăp đơn vị, rnoh âk nuĭh dơi sơch ta ăp đơn vị. Tât aƀaơ, lĕ rngôch rnoh cử tri ta lam n'gor dơi lĭr nkrêp rlău 611.700 nuĭh, lĕ rngôch rnoh nkual nklăch phiếu bầu cử đại biểu Quốc hội khóa XV n'hanh đại biểu HĐND ăp gưl năm kan 2021 - 2026 lah 551 nkual...Lah ta rơh pah kan, wa Trương Thị Ngọc Ánh- Groi kruanh Ủy ban Trung ương MTTQ Việt Nam dăn đă: ntơm bah aơ tât nar bầu cử, Bạc Liêu n'hao dăng tay pah kan nkoch trêng gay ƀon lan gĭt jru, gĭt tŏng mpeh nău dơi, nău way n'hanh nău dơn kan bah cử tri, nkô̆ hôr n'hanh nău khlay bah rơh bầu cử.

Nuĭh rblang: Điểu Thân