VOV4.M’nông – Tâm rnôk hăn khâl Ấn Độ, măng nar 27/7, Kruanh nchră nău Mỹ Antony Blinken lĕ geh rơh mâp đah Thủ tướng tơm jay Narendra Modi ta thủ đô New Delhi. Ta nar wơt, Thủ tướng Ấn Độ Modi an lah Mỹ n’hanh Ấn Độ nkoch tâm ton mpeh ăp nău khlay nsum. Nsum mpôl nuĭh Mỹ rnoi tơm Ấn Độ dôl rgop âk tâm nău ntrôl tâm boh ăp ding. Kruanh nchră nău Mỹ Blinken uănh lah prêh nău rgum đah nău geh nar lơ hao đah Ấn Độ n’hanh Mỹ ta ăp ding n’hanh âk trong. Di rơh aơ, Mỹ mbơh an Ấn Độ 25 rkeh đôlar gay ntop kơl bôk nău kan chuh vaccine Covid-19 bah dak aơ, kơl nâp nâl trong pă vaccine ta lam dak. Bah năp nĕ, ta kêng măng 28/7, Kruanh nchră nău Mỹ Antony Blinken lĕ geh rơh rgum nchră đah nuĭh tâm ban gưl kan tơm jay Jaishankar.

          Nuĭh rblang: Y Sưng Phê Ja