VOV4.M’nông: Mỹ ndrel ăp dak kan nsum mhe aơ hŏ ndrel tâm rgop mhal ăp n’gâng kan bah Trung Quốc geh tât nau kan kon nŭih tâm Tân Cương. Ntoh nau ta nar mâp đah ăp Kruanh n’gâng kan NATO ta Bỉ, Kruanh n’gâng kan Mỹ Tony Blinken mbơh păng ŭch tâm boh đah ăp dak kan nsum bah Mỹ gay ntrŭt dăng nau kan văng sa nsum ndrel rdâng đah du đê̆ nau kan joi nau ndrel mpet đă bah Trung Quốc nchâp dak aơ kơt tĭng ăp nau ton bah lam ntur neh bah nơm. Tĭng kruanh n’gâng kan Blinken, Mỹ geh tât 52% GDP lam ntur neh ndrel ăp dak kan nsum ta Châu Âu ndrel Châu Á geh tât 60% GDP lam ntur neh ndrel nau aơ ƀư Trung Quốc ân njrăng. Kruanh n’gâng kan Blinken kŏ nkah đah ăp nau nsôih bah Trung Quốc gay nkri nau dah rŏng trong dak lêng ndrel leo tahen ta Biển Đông ndrel rƀŏng tât ăp dak Châu Á-Thái Bình Dương ndrel nau n’hao ăp nau dơi tahen bah nơm./.

Nŭih rblang: H’Thi