VOV4.Mnông- Nar 9/12, ăp ding geh tât  nău tâm ton hạt nhân Iran năm 2015 plơ̆ tay ta Viên, Áo gay ma tâm nchră tay. Mpôl kan Mỹ tât râng tâm nchră mbra geh jŏ lơn, ta dŭt pơh tât. Tâm rnôk ăp ding ê hŏ geh saơ ueh mpeh ntrong kan hun hao mbra dơi geh ta rơh bôk năp tâm nchră, ntŭk kan mbơh nău mhe Reuters mbơh nău nuĭh kan gâl têh Mỹ ndơ̆ nău, mpôl kan rnă njrăng Mỹ n’hanh israel mbra geh tâm nchră mpeh nău nti tahen nsum. Nkô̆ mpŏng ŭch lah nchrăp an nău tât mô ueh- lah ăp ding rdul lơh tahen ƀư khuch ăp ntŭk kan hạt nhân Iran lah ntrong kan nchră nău đah dak bah dih mô geh dơi. Mpôl kan tahen bar dak an geh nchrăp na nê̆ lah dơi geh ntĭm đă rdul lơh. Tâm rnôk nĕ, bâh ntơm geh tât ta Mỹ, ta trang tuyt tơ, kruanh n’gâng kan mât rnă njrăng ngih dak Israel an gĭt, păng mbra tâm nchră đah mpôl kan têh Mỹ tâm nău mât đăp mpăn Iran mô an dơi geh dŏng phao blêu hạt nhân, tâm ban kơt bah ir geh nău khuch tât bâh Iran tâm nkual.

Nuĭh rblang: Thị Đoắt