VOV4.M'nông: Mỹ kuăl jă lĕ rngôch ăp dak lăp kan nsum bah Nhih pah kan tâm boh tăch rgâl lam ntŭr neh (WTO) ŭch tĭng rong an dơm dŏng nău gĭt blău bôk rngok đah vaccine njrăng n'gang Covid-19. Lah đah báo chí nar 21/10, nuĭh ntơh ngơi Chính phủ Mỹ kuăl jă ăp dak lăp kan nsum WTO ŭch tĭng an rong dơm dŏng nău gĭt blău n'hanh ăp công ty pơk hvi ƀư njêng vaccine njrăng n'gang Covid-19. 1 năm bah năp nơh, ăp trong nkra săm Covid-19 ta WTO, yơn lah, ăp rơh tâm nchră hŏ mô dơi tât hun hao. Rlău 100 dak râng ŭch tĭng kơl nău dăn đă dja an lah nău ăp dak dôl hun hao dơi an ƀư njêng vaccine mbra kơl rêh âk nuĭh, yơn lah, nău dăn đă dja hŏ mâp nău rlăch dun bah Liên minh châu Âu n'hanh âk dak êng ƀa ƀă lah Thụy Sỹ. Tổng Giám đốc WTO pơh bah năp nơh hŏ dơn ngăn đŏng an lah ăp rơh tâm nchră ngăn mpeh rong an dơm dŏng nău gĭt blău bôk rngok an vaccine njrăng n'gang Covid-19 hŏ dŭt mêl./.

Nuĭh rblang: Điểu Thân