VOV4.M’nông: Ntoh nau tâm rơh rƀŭn đah rđau nau kan Ngân hàng lam ntur neh ndrel ăp ngân hàng hun hao, N’gâng kan tơm prăk Mỹ, Da-nét Y-e-len lah rjăp, ân geh rgum tơm prăk bah ăp nŭih ân nau kơl njrăng rdâng rgâl mhe trôk nar. Rơh rƀŭn nchră mpeh nau kan “ƀư ân geh âk” tơm prăk ƀư êng nau kan ân bôk nau kan njrăng rdâng nau rgâl mhe trôk nar ndrel nchră uănh tay ăp nau tât ndrel nau dôl geh ngăn bah ăp ngân hàng ta ưgeh dơi ăp nkô̆ nau ƀư nê. Tâm nê, Kruanh n’gâng kan Da-nét Y-e-len bonh đă ăp ntŭk kan ngân hàng ân geh n’hao nau rgum tâm ăp nau kan kơt tĭng nau kan rdâng đah rgâl mhe trôk nar, kơl an ăp dak dôl hun hao ƀư ăp nau kan n’huch lơi ndŏk ndrel mât ntŭk ntu gŭ âm ân nâp. Tĭng nau nchrăp, rmôt ƀư nau kan mra rgum rƀŭn nchră tâm khay 10 gay nchră mpeh ăp nau kan ngăn, êp rơh rƀŭn vay ăp năm bah Ngân hàng lam ntur neh ndrel Tơm prăk bah lam ntur neh./.

Nŭih rblang: H’Thi