VOV4.M’nông: Ntoh măt nau kan tăch rgâl bah Mỹ Katherine Tai mhe aơ lah rjăp nau ton bah Mỹ đah ntŭk kan tăch rgâl bah lam ntur neh (WTO), nchră nkah du nau rgâl mhe bah n’gâng kan Tổng thống Joe Biden rđil ma nŭih dôl klan. Ntoh nau ta Geneva, Thuỵ Sỹ, wa Katherine Tai lah rjăp, Mỹ dôl joi trong ƀư ueh tay nau tâm boh bah ăp ntŭk kan tăch rgâl bah lam ntur neh kŏ kơt lah ƀư rgâl nau kan bah ntŭk kan rklaih nau tâm in pit bah ntŭk kan aơ. Yơn lah, ntoh măt bah nau kan tăch rgâl Mỹ kŏ lah rjăp, ntŭk kan tăch rgâl lam ntur neh ƀư kan ân ngăch rgâl, rgâl mhe nau kan nsum, n’hao nau kloh ndrel âk ntil kan. Giám đốc ntŭk kan tăch rgâl bah lam ntur neh Okonjo-Iweala hŏ rnê ngăn nau ntoh ngơi bah wa Tai rnôk saơ nau kơl an bah Mỹ đah nau nsôih rgâl ntŭk kan tăch rgâl lam ntur neh gay geh mbăk nau kan kơl an lam ntrong kan tăch rgâl bah âk ntil./.

Nŭih rblang: H’Thi